Søknadsfrist og innhald
Søknadsfristen er løpande og du kan velgje å ta heile studiet eller enkeltemne. Studiet startar opp 19. september 2025 med følgjande fem emne:
• Innføring i logistikk - 15 studiepoeng, haust 2025
• Digitalisering og robotisering - 15 studiepoeng, vår 2026
• Økonomi og sirkulærøkonomi - 15 studiepoeng, haust 2026
• Transport og distribusjonsleiing - 5 studiepoeng, vår 2027
• Hovudprosjekt med fordjuping - 10 studiepoeng, vår 2027
Påmelding her
Organisering
Studiet er modulbasert, primært med samlingar i Ryfylke. Nettundervisning kjem i tillegg. Det er lagt opp til to - tre samlingar per modul. Første samling er 19. september 2025 (veke 38). Det er elles samling i veke 43 og 48. Nøyaktige dagar vil bli tilpassa studentgruppa.
Oppmøte til eksamen kjem i tillegg.
Du kan òg ta enkeltemne
Søkjar kan velgje enkeltemne og vil ved gjennomført og bestått emne få karakterutskrift for dette. Studenten kan ved seinare høve søkja om å ta resterande emne og få vitnemål for heile utdanninga.
Opptak på bakgrunn av fagbrev
Normalt treng du fagbrev innan transport eller logistikk for å få plass på studiet. Andre fagbrev blir òg vurdert saman med realkompetanse, sjå nedanfor for meir informasjon.
Dersom fagprøven ikkje er gjennomført ved søknadstidspunktet, kan det gjerast opptak på vilkår om bestått fagprøve innan 31.12 i opptaksåret (jf. kap. 2 i fagskoleforskrifta).
Opptak på bakgrunn av realkompetanse
Du kan òg bli tatt opp på bakgrunn av lang erfaring frå fagfeltet.
Realkompetanse er all kompetanse studenten har gjennom formell, ikkje-formell og uformell læring. Dette kan vera kunnskap og erfaring du har fått gjennom utdanning, løna eller uløna arbeid, organisasjonserfaring, fritidsaktivitetar, eller på annan måte (jf. § 1-4 i forskrift for Fagskolen Rogaland).
Innhald i kvart enkelt emne
1. Innføring i logistikk (haust 2025)
• Innføring i logistikk
• Risiko i globale forsyningskjeder
• Leiing i og av forsyningskjeder
• Terminologi og kommunikasjon i logistikk
• Generell opplæring i datasystem og program til bruk i gods- og personellogistikk
• Kvalitetssikring innan logistikkfeltet
• Lager- og terminalstyring
• Logistikkutfordringar i distrikta
• Strategiar for effektiv distribusjon både nasjonalt og internasjonalt
• Logistikken sin påverknad av internasjonale forhold
2. Digitalisering og robotisering (vår 2026)
• Bruk av IT-system og automatisering i logistikk
o Effektivisering i logistikk-kjeder
o Personelltransport
• Logistikkutfordringar knytt til dokumentasjon
o Rapportskriving
o Tollbehandling
o Opphavsland /stad for varer
o Korleis behandla skader
• Kunstig intelligens - påverknad på logistikk
• KI si rolle innan mobilitet for yrkes- og fritidsreiser
• Kontinuerleg forbetringsarbeid, inkludert Lean
3. Økonomi og sirkulærøkonomi (haust 2026)
• Berekraftig logistikk – verdikjede
• Leiing, økonomi og marknad
• Etiske problemstillingar og samfunnsansvar i logistikkarbeidet
• Samferdslestrategi
• Offentleg distribusjon av varer og tenester
• Transport og ruteplanlegging
• Oversikt over logistikken si rolle i moderne økonomiar
• Samkøyring, samhandling, logistikk og mobilitetsløysingar
4. Transport og distribusjonsleiing (vår 2027)
• Transport og distribusjonsleiing (gods- og persontransport)
o Konsekvensar av endring i bemanning
o Konsekvensar for bedrifta og samfunnet av logistikk
• Planlegging, styring og risikovurdering av transportmidlar
o Logistikk knytt til sjø, landeveg, luft og liknande
• Helse, miljø og sikkerheit (HMS) sin relevans for logistikksektoren
5. Hovudprosjekt med fordjuping (vår 2027)
• Digitalisering og samhandling
• Maritim logistikk
• Innovativ logistikk
• Offentleg og privat persontransport, mobilitet og distribusjon av varer og tenester
• Effektivisering av logistikk ved hjelp av maksimal verdiskapning med minimal ressursinnsats
Alle emne skal ha med seg element av berekraft, HMS og grøn omstilling.
For meir informasjon om studiet, kontakt: Einar.schibevaag@skole.rogfk.no
Studieplanen finn du her: Førebels studieplan grøn logistikk - 60 studiepoeng (2).pdf (PDF, 587 kB)